Kafedra 2016 yil 3 oktyabr sanasida institut rektorining 258-sonli buyrug`i va Institut Kengashining NT-1/1 qarori asosida tashkil topgan. Kafedra 60711300-“Metrologiya, standartlashtirish va mahsulot sifati menejmenti” ta`lim yo`nalishi bo’yicha bakalavr hamda 2019-2020 o’quv yilidan boshlab 70711302–Metrologiya, standartlashtirish va sifatni boshqarish (paxta, to’qimachilik va yengil sanoat) mutaxassisligi bo’yicha magistrlarni tayyorlaydi. Mazkur yo`nalishga birinchi talabalar 2012 yilda qabul qilindi.

 Tayyorlanayotgan bakalavrlar va magistrlar paxta, to`qimachilik va yengil sanoat korxonalari, standartlashtirish, sertifikatlashtirish va metrologiy yo`nalishida faoliyat ko`rsatadigan tashkilotlar uchun malakali kadrlar bo’lib yetishadi.  Hozirga kelib kafedrada 15 nafar professor-o`qituvchilar faoliyat ko`rsatmoqda. Ulardan 1 nafari Professor, 8 nafari PhD, 1 nafari katta o`qituvch va 5 nafari assistant o`qituvchilar faoliyat yuritishmoqda.

Kafedraga 2016-2018 yillarda kafedraga dotsent Yusupov Sobirjon Abdujabborovich rahbarlik qilgan, 2018-2023 yillarda esa kafedra mudiri sifatida t.f.d. dotsent Yuldashev Jamshid Qambaraliyevich faoliyat yuritgan. Bugungi kunga kelib kafedrani PhD, dotsent Qosimov Axtam Akramovich boshqarib kelmoqda.

 Kafedra a`zolari tomonidan bugungi kunda paxta, to`qimachilik va yengil sanoat tarmog`larining xom ashyolari, yarim mahsulotlari hamda buyumlarini xossalarini tadqiq qilish, turli sinov usullari va vositalarini takomillashtirish, ishlab chiqarish korxonalarida sifat menejment tizimga qaratilgan ilmiy tadqiqot ishlarini olib borilmoqda.