Namangan muhandislik-texnologiya instituti akademik litseyi boshlang‘ich kasaba uyushmasi tashabbusi bilan o‘qituvchi va ishchi xodimlar o‘rtasida sog‘lom turmush tarzini targ‘ib qilish hamda ta’til kunlarini mazmunli o‘tkazish maqsadida “Quvnoq startlar” musobaqasi tashkil etildi.
Musobaqa ko‘tarinki kayfiyatda o‘tib, haqiqiy sport bayramiga aylandi. Tadbir davomida ishtirokchilar turli qiziqarli sport bellashuvlarida o‘z mahoratlarini namoyish etib, jamoaviy birdamlik va ijobiy ruhni namoyon qilishdi.
Tadbir so‘ngida O‘zbekiston kasaba uyushmalari Federatsiyasi Namangan shahar bo‘linmasi kengashi raisi Umarov A.A. va akademik litsey direktori Sultanov B.A. musobaqa ishtirokchilarini qimmatbaho esdalik sovg‘alari bilan taqdirladilar.
Mazkur tadbir barchaga yaxshi kayfiyat ulashib, sog‘lom turmush tarzini targ‘ib qilishda muhim qadam bo‘ldi.