2024-yil 11–15-dekabr kunlari “O‘zbekiston Muay Tay Assotsiatsiyasi Raisi kubogi” musobaqasi yuqori saviyada o‘tkazildi. Ushbu nufuzli turnirda Namangan muhandislik-texnologiya institutining “Ulug‘bek Muay Tay” sport klubi chempionlari ajoyib natija qayd etishdi.
Jami 36 nafar sportchi talabalarimiz g‘alaba qozonib, institutimiz sha’nini munosib himoya qilishdi va “O‘zbekiston Muay Tay Assotsiatsiyasi Raisi kubogi” g‘olibi bo‘lishdi. Ular nafaqat kubokni qo‘lga kiritishdi, balki barcha muhlislarning e’tirofiga ham sazovor bo‘lishdi.
Bu yuksak natijaga erishishda beqiyos hissasi bo‘lgan professor Ulug‘bek Qo‘chqorov hamda barcha sportchilarimizni chin yurakdan tabriklaymiz! Yana-da katta zafarlar sari odimlashda ularga muvaffaqiyatlar tilaymiz.