Institutda foydalanishga topshirilgan “Robototexnika va mehatronika” yo‘nalishida eng yangi texnologiyalar bilan jihozlangan laboratoriya 20-iyun kuni davlat rahbari tomonidan muhandislik sohasida kadrlar tayyorlash tizimini yangi bosqichga olib chiqish maqsadida berilgan topshiriqlar asosida tashkil etildi.
Laboratoriyada “Avtomatika va energetika”, “Robototexnika va mehatronika”, “Texnologik jarayonlarni avtomatlashtirish va boshqarish”, “Energetika” va “Informatsion texnologiyalar” kabi yo‘nalishlarda 200 dan ortiq amaliy mashg‘ulotlar uchun shart-sharoitlar yaratilgan. Bu talabalarga nazariy bilimlarni amaliy ko‘nikmalar bilan mustahkamlash imkonini beradi.
Markaz zamonaviy dasturiy ta’minot va ilg‘or texnologiyalar asosida tashkil etilgan bo‘lib, talaba va o‘qituvchilarga real loyihalar ustida ishlash va ilmiy salohiyatlarini oshirish uchun yangi imkoniyatlar eshigini ochadi.
