Bugun Namangan muhandislik-texnologiya institutida “Namangan yetakchilari forumi” bo’lib o’tdi. Tadbir viloyatdagi barcha oliy ta’lim muassasalarining yoshlar yetakchilari va koordinatorlarini bir joyga to’pladi. Forumda koordinatorlar faoliyatini rivojlantirish maqsadida turli mavzular spikerlar tomonidan muhokama qilindi.
Forumning dastlabki qismida tantanali kutib olish marosimi o’tkazildi. Shundan so’ng, institutning birinchi prorektori Ma’rufjon Qayumov so’zga chiqib, ishtirokchilarga Namangan muhandislik-texnologiya instituti faoliyati, uning yutuqlari va talabalarga yaratib berilayotgan imkoniyatlar haqida batafsil ma’lumotlar berdi.
Forum davomida yoshlar o’zaro muloqot qilish imkoniyatiga ega bo’lishdi, tajriba almashishdi va kelgusidagi tashabbuslar haqida fikr almashishdi. Tadbir yoshlar harakatini rivojlantirishda muhim platforma bo’ldi.