2024-yil 17-oktabr kunisi Namangan muhandislik-texnologiya institutida “Korrupsiyani birgalikda yengamiz” va “Yoshlar korrupsiyaga yo‘q deydi” mavzularida ijodiy insholar tanlovi bo‘lib o‘tdi. Ushbu tanlov talabalarning korrupsiyaga qarshi kurashdagi fikr va g‘oyalarini ifoda etish, ularni o‘z fikrlarini ochiq bayon qilishga rag‘batlantirish maqsadida tashkil etildi. Tadbir korrupsiyaga qarshi kurashning ahamiyatini talabalarga yetkazish va ular orasida sog‘lom ijtimoiy munosabatlarni shakllantirishga qaratilgan.
Tanlovning ochilish qismida so‘z olganlar korrupsiyaga qarshi ongli kurashish zarurligini ta’kidlab, talabalarning faolligini oshirish va ularning korrupsiyaga “yo‘q” deyishlariga katta e’tibor qaratish kerakligini urg‘uladilar.
Tanlov yakunida talabalar o‘z ijodiy ishlarini taqdim etish orqali korrupsiyaga qarshi kurash borasidagi bilim va tushunchalarini namoyish etdilar. Ushbu tanlov korrupsiyaga qarshi kurashda yoshlarning faolligini oshirishda muhim qadam bo‘ldi.
