Namangan muhandislik-texnologiya institutining Kimyo-texnologiya fakultetida Ustoz va murabbiylar kuni munosabati bilan tantanali bayram dasturi o‘tkazildi. Tadbirda institut rahbariyati, professor-o‘qituvchilar va talaba-yoshlar ishtirok etdilar. Dastlab institutimizning o’quv ishlari bo’yicha prorektori Mirzohid Bekmirzayev so‘zga chiqib, ustoz va murabbiylarning o‘quv jarayonidagi beqiyos mehnatini alohida ta’kidladi. Bu kun ilm-ma’rifat yo‘lida o‘z hayotini bag‘ishlagan ulug‘larimizni qadrlash, ularning mashaqqatli mehnatini sharaflash kunidir.
Bayram davomida institutning iqtidorli talabalari, yoshlar ittifoqi faollarii tomonidan sahnalashtirilgan ijodiy chiqishlar namoyish etildi. Ular ustozlarga bo‘lgan ehtirom va hurmatni ifoda etuvchi qiziqarli sahnalar, musiqiy chiqishlar orqali barchaga ko‘tarinki kayfiyat ulashishdi. Tadbirning eng ta’sirli qismi sifatida, ustozlarni ulug‘lovchi va ularning insonparvarlik missiyasini yuksak tarannum etuvchi she’rlar o‘qildi, bu esa yig‘ilganlarning qalbiga iliqlik bag‘ishladi.
Bu bayram nafaqat ustozlarni qadrlash, balki ular bilan talaba-yoshlar o‘rtasidagi mustahkam rishtalarni yanada kuchaytirishga xizmat qildi. Institut bo’ylab bayram tadbirlari davom etmoqda.