Бугун НамМТИга Беларус миллий техника университети ректори Харитончик Сергей Васильевич бошчилигидаги делегация аъзолари ташриф буюришди.
Меҳмонларни Наманган муҳандислик-технология институти реткори Одилжон Маматкаримов кутиб олди.
Наманган ва Минск шаҳарларидаги олий таълим муассасаларининг ҳамкорлигини мустаҳкамлаш мақсадида музокаралар ўтказилди.
Шунингдек, меҳмонлар Наманган муҳандислик-технология институтининг Лаборатория биносида яратилган шароитлар, замонавий ўқув лаборатория жихозлари билан яқиндан танишдилар.
Шундан сўнг, Наманган муҳандислик-технология институтининг янги очилган 8-ўқув биносида жойлашган Беларусь-Ўзбекистон қўшма таълими марказида талаба ёшлар билан мулоқот бўлиб ўтди. Унда қўшма таълим дастури орқали таълим олаётган талаба-ёшлар ўзларини қизиқтирган саволларига жавоб олишди.