2024 yil 16 oktyabr kunisi Namangan muhandislik-texnologiya institutida magistrantlar ishtirokida muhim uchrashuv tashkil etildi. Tadbirda Institut rektori maslahatchisi Mamatxon Xodjayev hamda Korrupsiyaga qarshi kurashish va kompleans nazorat tizimini boshqarish bo’limi boshlig’i Muhammadjon Zokirjonov ishtirok etishdi.
Uchrashuv davomida magistrantlarga turli huquqbuzarliklar va korrupsiyani oldini olish borasidagi muhim chora-tadbirlar, nazorat mexanizmlari va profilaktik ishlar haqida keng ma’lumot berildi. Ishtirokchilar qonuniylikni ta’minlashda shaxsiy mas’uliyatning ahamiyatini anglab yetishdi. Bu kabi uchrashuvlar yosh mutaxassislar orasida huquqiy savodxonlikni oshirish, korrupsiya va huquqbuzarliklarning oldini olish bo’yicha tushunchalarni mustahkamlashda muhim ahamiyatga ega bo‘lmoqda.
