O'lcham:
AAA
Rang:  CCC
Rasmlar:  Yoq.O'ch.
Sahifaning oddiy holati
11.05.2018

Iqtisodiyot tarmoqlari va sohalariga innovatsiyalarni joriy etish mexanizmini takomillashtirish bo‘yicha qo‘shimcha chora-tadbirlar to‘g‘risida

Iqtisodiyot tarmoqlari va sohalariga innovatsiyalarni joriy etish mexanizmini takomillashtirish bo‘yicha qo‘shimcha chora-tadbirlar to‘g‘risida

2018 yil 10 may kuni Namangan muhandislik-texnologiya instituti kichik majlislar zalida O‘zbekiston Respublikasi Prezidentining 2018 yil 7 maydagi “Iqtisodiyot tarmoqlari va sohalariga innovatsiyalarni joriy etish mexanizmini takomillashtirish bo‘yicha qo‘shimcha chora-tadbirlar to‘g‘risida”gi Qarorida hamda ushbu Qaror ijrosini ta’minlash yuzasidan 2018 yil 8 mayda O‘zbekiston Respublikasi Bosh prokuraturasida o‘tkazilgan yig‘ilishda belgilangan vazifalar yuzasidan boshqaruv Kengashi yig‘ilishi bo‘lib o‘tdi.

Yig‘ilishda institut ilmiy ishlar bo‘yicha prorektori A.Obidov Qaror mazmun-mohiyati, ahamiyati hamda unda belgilangan vazifalar yuzasidan batafsil ma’lumotlar berib o‘tdi. U o‘z so‘zida Prezident Qarori tarixiy ahamiyatga ega ekanligi, unda fan va ishlab chiqarish integratsiyasini ta’minlash chora-tadbirlari hamda innovatsion ishlanmalarni soha korxona va tashkilotlariga joriy qilish mexanizmi aniq va ravshan yoritib berilganligi haqida, bundan tashqari Qaror asosida institutda amalga oshirish lozim bo‘lgan ishlar, kafedralarda tadbiq etish mumkin bo‘lgan ishlanmalar haqida atroflicha gapirib o‘tdi. 
Shundan so‘ng so‘zga moliya va iqtisod ishlari bo‘yicha prorektor R.Isroilov chiqib, Qaror ijrosini ta’minlash yuzasidan 2018 yil 8 mayda O‘zbekiston Respublikasi Bosh prokuraturasida o‘tkazilgan yig‘ilish tavfsilotlarini gapirib berdi. Jumladan, yig‘ilish O‘zbekiston Respublikasi bosh prokurori O.Murodov tomonidan olib borilib, unda Oliy va o‘rta maxsus ta’lim vaziri I.Madjidov, Innovatsion rivojlanish vaziri I.Abduraxmonov, Fanlar akademiyasi prezidenti B.Yuldashev, Prezident davlat maslahatchisi o‘rinbosari U.Azizovlar   ishtirok etganligi, yig‘ilishda O‘zbekiston Respublikasi Prezidentining 2018 yil 7 maydagi “Iqtisodiyot tarmoqlari va sohalariga innovatsiyalarni joriy etish mexanizmini takomillashtirish bo‘yicha qo‘shimcha chora-tadbirlar to‘g‘risida”gi Qarorida belgilangan vazifalar so‘zsiz ijro etilishi, Qaror ijrosi bo‘yicha barcha oliy ta’lim muassasalarining rahbarlaridan professor-o‘qituvchi va xodimlargacha mas’ul ekanligi ta’kidlanganligini yig‘ilish ishtirokchilariga gapirib o‘tdi. Bundan tashqari ushbu yig‘ilishda belgilangan vazifalarni institutda bajarish yuzasidan chora-tadbirlar belgilash hamda o‘z vaqtida ijrosini ta’minlash haqida fikr-mulohazalarini bildirib o‘tdi.
Qaror ijrosini ta’minlashda professor-o‘qituvchilar mas’uliyatini oshirish yuzasidan so‘zga o‘quv ishlari bo‘yicha prorektor O.Ergashev chiqdi. U o‘z so‘zida institutda ta’lim berayotgan barcha professor-o‘qituvchilar, ayniqsa ilmiy salohiyatli olimlar Prezident Qarorini bajarish uchun butun kuch-g‘ayratini ishga solishi lozimligi, har bir institut rahbar xodimi o‘ziga 1 yillik yo‘l xaritasini tuzishi hamda har kvartalda ushbu yo‘l xaritasi bo‘yicha amalga oshirilgan ishlari haqida hisobot berib borishi lozimligi haqida gapirib o‘tdi. 
Kunning ikkinchi yarmida O‘zbekiston Respublikasi Prezidenti Qarori ijrosi yuzasidan katta majlislar zalida institut jamoasining barcha a’zolariga yig‘ilish bo‘lib o‘tdi. Yig‘ilishni institut rektori O.Mamatkarimov olib bordi. U yig‘ilish ishtirokchilariga O‘zbekiston Respublikasi Prezidentining 2018 yil 5 maydagi «Faol tadbirkorlik va innovatsion faoliyatni rivojlantirish uchun shart-sharoitlarni yaratish bo‘yicha qo‘shimcha chora-tadbirlar to‘g‘risida»gi hamda 2018 yil 7 maydagi “Iqtisodiyot tarmoqlari va sohalariga innovatsiyalarni joriy etish mexanizmini takomillashtirish bo‘yicha qo‘shimcha chora-tadbirlar to‘g‘risida”gi Qarorlari mazmuni, ahamiyati va belgilangan vazifalar to‘g‘risida gapirdi. Institut rektori ushbu qarorlarda belgilangan vazifalarni bajarish borasida chora-tadbirlar rejasini hamda yo‘l xaritalarini ishlab chiqish lozimligi, vazifalarni o‘z vaqtida bajarish, olimlarimiz tomonidan yaratilgan ishlanmalar natijadorligi, ularni ishlab chiqarish korxonalariga joriy qilish imkoniyatlarini yaratish bo‘yicha o‘z fikr-mulohazalarini bildirib o‘tdi.
Yig‘ilishda so‘zga ilmiy ishlar bo‘yicha prorektor A.Obidov, moliya va iqtisod ishlari bo‘yicha prorektor R.Isroilov hamda o‘quv ishlari bo‘yicha prorektor O.Ergashevlar chiqdilar hamda Qarorlar ijrosini ta’minlash bo‘yicha belgilangan vazifalarni o‘z vaqtida bajarish bo‘yicha fikr- O‘zbekiston Respublikasi Prezidentining 2018 yil 7 maydagi “Iqtisodiyot tarmoqlari va sohalariga innovatsiyalarni joriy etish mexanizmini takomillashtirish bo‘yicha qo‘shimcha chora-tadbirlar to‘g‘risida”gi hamda 2018 yil 5 maydagi «Faol tadbirkorlik va innovatsion faoliyatni rivojlantirish uchun shart-sharoitlarni yaratish bo‘yicha qo‘shimcha chora-tadbirlar to‘g‘risida»gi Qarorlari hamda O‘zbekiston Respublikasi Bosh prokuraturasida institutlar rektorlari va prorektorlariga bo‘lib o‘tgan yig‘ilishida belgilangan vazifalar tafsilotlari bilan yig‘ilish ishtirokchilarini tanishtirdilar, bundan tashqari institut kafedralaridan taklif qilinadigan ilmiy ishlanmalar, ularni ishlab chiqarishga joriy qilish orqali tijoratlashtirish, Prezident Qarorida belgilangan oliy ta’lim muassasalarining innovatsion jamg‘armalarini shakllantirish hamda innovatsion jamg‘armalar va ilmiy-innovatsion ishlanmalarni tijoratlashtirish bo‘yicha bo‘linmalar tashkil etish bo‘yicha ham tegishli chora-tadbirlar ishlab chiqish haqida fikr-mulohazalar bildirdilar.
Yig‘ilishda o‘z fikr-mulohazalarini bildirish uchun so‘zga professorlar X.Axmedxodjaev, P.Usmanov, dotsentlar U.Meliboev, T.Mamatovlar chiqishdi hamda xozirgi kunda innovatsion ishlanmalarni joriy qilish imkoniyati yaratilganligi, ushbu imkoniyatdan barcha olim va tadqiqotchilar unumli foydalanish zarurligi, institut professor-o‘qituvchilari nomidan Prezident Qarori bo‘yicha hamda yo‘l xaritalarini tayyorlash va belgilangan vazifalarni o‘z vaqtida amalga oshirish har bir xodimning burchi ekanligi to‘g‘risida fikr-bildirdilar, bundan tashqari sohalar bo‘yicha qanday yo‘nalishlardagi ilmiy g‘oya va ishlanmalarni taklif qilish mumkinligini aytib o‘tdilar.

photo_2018-05-11_12-14-18.jpg

photo_2018-05-11_12-15-04.jpg

photo_2018-05-11_12-23-42.jpg